Dalskóli í Reykjavík og Glerárskóli á Akureyri tóku þátt í Ólympíuhlaupi ÍSÍ á dögunum.

ÍSÍ fékk senda frásögn frá Ólympíuhlaupinu í Glerárskóla sem fór fram þann 9. september sl.: „Nemendur Glerárskóla reimuðu á sig hlaupaskóna í morgun. Reyndar þurfti að hjálpa sumum þeim yngstu með slaufuna, eins og gengur og gerist. Allir komust að ráslínunni og þustu síðan af stað þegar íþróttakennararnir gáfu þeim merki. Nemendur skólans hlupu hátt í þriggja kílómetra langan hring.“ 

Þeir skólar sem ljúka hlaupinu fyrir 10. október og skila inn upplýsingum til ÍSÍ fara í pott. Þrír skólar verða síðan dregnir út úr pottinum og fær hver þessara þriggja skóla  100.000 króna inneign í Altis. Altis selur vörur til íþróttaiðkunar sem nýtast nemendum á skólalóðinni eða í íþróttahúsinu.

Nánari upplýsingar um Ólympíuhlaup ÍSÍ má sjá hér á vefsíðu ÍSÍ.

Skráning fer fram hér á vefsíðu ÍSÍ.

Með fréttinni má sjá myndir af glöðum hlaupandi krökkum á Akureyri og í Dalskóla.