24.02.2016Íþróttafélagið Grótta fékk endurnýjun viðurkenningar sinnar sem fyrirmyndarfélag ÍSÍ á kynningarfundi félagsins á Seltjarnarnesi þriðjudaginn 23. febrúar síðastlinn.  Allar deildir félagsins fengu endurnýjun og yngsta deildin, kraftlyftingadeildin fékk viðurkenningu í fyrsta sinn.  Það var Sigríður Jónsdóttir ritari framkvæmdastjórnar ÍSÍ og formaður Þróunar- og fræðslusviðs sem afhenti aðalstjórn og deildum viðurkenningarnar.  Á myndinni eru frá vinstri, Hilmar Sigurðsson formaður knattspyrnudeildar, Arnar Þorkelsson formaður handknattleiksdeildar, Elín Smáradóttir formaður aðalstjórnar, Ólöf Línberg Kristjánsdóttir framkvæmdastjóri fimleikadeildar, Erla Kristín Árnadóttir formaður kraftlyftingadeildar og Sigríður Jónsdóttir ÍSÍ.  Ungir iðkendur félagsins halda svo á fána fyrirmyndarfélaga ÍSÍ.