Afreksíþróttakonan Ásdís Hjálmsdóttir spjótkastari heimsótti skrifstofu ÍSÍ morgun og færði sambandinu að gjöf áritaða mynd með kveðju og þökkum fyrir stuðninginn á árinu 2013.  Líney Rut Halldórsdóttir framkvæmdastjóri ÍSÍ tók við gjöfinni og var meðfylgjandi mynd tekin við þetta tækifæri.  Ásdís stundar íþrótt sína í Sviss undir leiðsögn þjálfarans Terry McHugh en hún er þar einnig við nám.  ÍSÍ óskar Ásdísi, sem og öðru íþróttafólki, góðs gengis á árinu 2014.