Forvarnardagurinn 2013 var haldinn 9. október að frumkvæði forseta Íslands í samvinnu við Samband íslenskra sveitarfélaga, Íþrótta- og Ólympíusamband Íslands, Ungmennafélag Íslands, Bandalag íslenskra skáta, Reykjavíkurborg, Háskóla Íslands og Háskólann í Reykjavík með stuðning Actavis.

Í tilefni dagsins heimsóttu Ólafur Ragnar forseti Íslands, Dorit Moussaijeff forsetafrú og Lárus L. Blöndal forseti ÍSÍ, Rimaskóla og Borgarholtsskóla. Mjög vel var tekið á móti fólki í báðum skólum. Forsetinn ræddi um þær lífsreglur sem reynst hafa best í baráttunni við fíkniefni og þann frábæra árangur sem náðst hefur með samtakamætti margra aðila í baráttunni við vímuefni. Lárus Blöndal ræddi um mikilvægi þess að stunda íþróttir og halda því áfram á unglingsárum. Þá talaði hann um að neysla vímuefna væri andstæðingur afreka. Í báðum skólum sköpuðust fínar umræður.