Beint á efnisyfirlit síðunnar

Á döfinni

09.02.2018 - 25.02.2018

PyeongChang 2018

Vetrarólympíuleikarnir árið 2018 fara fram...
10.02.2018 - 10.02.2018

Ársþing KSÍ

Ársþing Knattspyrnusambands Íslands verður...
10.03.2018 - 10.03.2018

Ársþing HSK 2018

Ársþing Héraðssambandsins Skarphéðins verður...
16

Þórdís Eva fimmta í Tbilisi

31.07.2015

Þórdís Eva Steinsdóttir tryggði sér fimmta sæti í 400 metra hlaupi á Ólympíuhátíð Evrópuæskunnar á tímanum 56.24 fyrr í kvöld. Þórdís Eva sem var næst yngst þátttakenda í úrslitahlaupinu tókst að tryggja sér fimmta sætið með góðu hlaupi á betri tíma en í undanrásunum. Mikill hiti er búinn að vera í Tbilisi undanfarna daga og aldrei meiri enn í dag.

Fyrr í dag synti Stefanía Sigurþórsdóttir 200 metra skriðsund og bætti sinn besta tíma þegar hún kom í mark á tímanum 2.14,81. Ólafur Sigurðsson var nokkuð frá sínu besta þegar hann synti 1500 metra skriðsund á tímanum 17.04,02. Þar með hafa allir íslensku þátttakendurnir lokið keppni að undanskildum Styrmi Dan Steinunnarsyni sem keppir í spjótkasti á morgun. Ólympíuhátíðinni verður svo slitið annað kvöld með hátíð í leikaþorpinu. Á myndunum sem fylgir má sjá Þórdísi í úrslitahlaupinu á áttundu braut, Ólaf stinga sér til sunds og Stefaníu á fullri ferð í skriðsundinu.

Myndir með frétt