Hólmfríður Dóra Friðgeirsdóttir keppir í svigi í Yanqing í nótt á Vetrarólympíuleikunum í Peking. Þetta er önnur keppnisgrein hennar á leikunum en hún keppti einnig í stórsvigi 7. febrúar sl.

Svigkeppnin hefst kl. 02:15 í nótt, að íslenskum tíma, og verður sýnt frá viðburðinum á RÚV. Þá er klukkan 10:15 að morgni í Kína en það er átta klukkustunda tímamismunur á milli Íslands og Kína. Hólmfríður Dóra hefur rásnúmerið 62 en alls eru 88 keppendur skráðir til leiks.

Seinni ferðin í sviginu er svo á dagskrá kl. 05:45 í nótt að íslenskum tíma.