Beint á efnisyfirlit síðunnar

Á döfinni

26.07.2024 - 28.11.2019

París 2024

Ólympíuleikarnir fara fram í París í...
01.10.2026 - 28.11.2019

YOG 2022 - Dakar

Næstu Ólympíuleikar ungmenna (YOG) fara fram...
24

Leiðbeiningar vegna áhorfenda

22.09.2020

 

Í samræmi við reglugerð heilbrigðisráðherra frá 7. september s.l. hefur ÍSÍ gefið út til sérsambanda sinna uppfærðar leiðbeiningar vegna áhorfenda á íþróttaviðburðum. Áhorfendur eru leyfðir með því skilyrði að 1 metra reglan gildi milli einstaklinga sem ekki eru í nánum tengslum og að ekki séu nema 200 manns að hámarki í hverju rými. Rými þurfa að vera algjörlega aðskilin með a.m.k. 2 metra háu skilrúmi eða 2 metra bili sem ekki er hægt að fara yfir. Hvert skilgreint rými þarf að hafa eigin inngang og útgang og enginn samgangur er heimilaður á milli rýma. Miðasala, salerni, veitingasala og önnur þjónusta sem í boði er skal vera aðskilin fyrir hvert rými fyrir sig. 

Stærsta breytingin frá fyrri leiðbeiningum er að börn 15 ára og yngri telja í fjöldatölu í áhorfendarýmum. Þannig að samkvæmt nýjum reglum er hámark í áhorfendasvæði 200 sem fyrr - en að meðtöldum börnum 15 ára og yngri. Auk þess þarf að vera samráð milli mótshaldara og sérsambands um sóttvarnarsvæði og áætlaðan áhorfendafjölda í hverju mannvirki. Leiðbeiningunum fylgja viðmið um hversu margir áhorfendur geta komist fyrir í áhorfendasvæði þannig að 1m fjarlægðarviðmið séu uppfyllt.

Leiðbeiningarnar má finna hér, megin tilgangur þeirra er að auðvelda mótshöldurum að uppfylla þær kröfur sem gerðar eru til áhorfendasvæða og fjölda í þeim.