Beint á efnisyfirlit síðunnar

Á döfinni

28

Góð mæting á ársþingi UMSK

02.03.2015

91. ársþing UMSK var haldið í Framhaldsskólanum í Mosfellsbæ 26. febrúar sl.  Valdimar Leó Friðriksson var endurkjörinn formaður sambandsins. Vel var mætt á þingið en sjötíu fulltrúar mættu frá sautján félögum en rétt til setu á þinginu hafa fulltrúar aðildarfélaganna á sambandssvæði UMSK sem nær yfir Kópavog, Garðabæ, Seltjarnarnes, Mosfellsbæ og Kjós. Tvö ný félög, Lyftingafélag Garðabæjar og Lyftingafélag Kópavogs, voru tekin inn í sambandið. Guðrún Kristín Einarsdóttir Aftureldingu hlaut Félagsmálaskjöld UMSK fyrir mikið og óeigingjarnt starf við uppbyggingu blakíþróttarinnar í Mosfellsbæ en skjöldurinn er veittur árlega á ársþingi UMSK til einstaklings sem skarað hefur fram úr í félagsstörfum á liðnum árum. Á þinginu voru Starfsmerki UMSK veitt til 16 einstaklinga og veittar voru viðurkenningar fyrir góðan íþróttaárangur á árinu 2014. Í fyrsta skipti voru valin íþróttakona og íþróttakarl UMSK. Norma Dögg Róbertsdóttir úr Gerplu var valin Íþróttakona UMSK 2014 og Daníel Laxdal úr Stjörnunni var valinn Íþróttakarl UMSK 2014. Rétt til setu hafa fulltrúar aðildarfélaganna á sambandssvæði UMSK sem nær yfir Kópavog, Garðabæ, Seltjarnarnes, Mosfellsbæ og Kjós.

Hafsteinn Pálsson úr framkvæmdastjórn ÍSÍ sótti þingið fyrir hönd ÍSÍ og ávarpaði þingið.