Beint á efnisyfirlit síðunnar

Á döfinni

26.07.2024 - 28.11.2019

París 2024

Ólympíuleikarnir fara fram í París í...
01.10.2026 - 28.11.2019

YOG 2022 - Dakar

Næstu Ólympíuleikar ungmenna (YOG) fara fram...
21.07.2028 - 28.11.2019

LA 2028

Ólympíuleikarnir fara fram í Los Angeles 21...
28

Sjóvá kvennahlaup ÍSÍ

Vefsíða Sjóvá Kvennahlaups ÍSÍ er kvennahlaup.is
Hér má sjá Facebook-síðu Sjóvá Kvennahlaups ÍSÍ.

Sjóvá Kvennahlaup ÍSÍ verður haldið 11. september 2021

Á vefsíðu hlaupsins er að finna helstu upplýsingar um hlaupið, sögu hlaupsins og hlaupastaði. 

Kvenna­hlaup í yfir 30 ár
Fyrsta Kvennahlaup ÍSÍ var haldið 30. júní árið 1990 í tengslum við Íþróttahátíð ÍSÍ. Hlaupið var í Garðabæ og á 7 stöðum um landið; á Akureyri, Egilsstöðum, Ísafirði, Laugum í Þingeyjarsýslu, Grundarfirði, Stykkishólmi og í Skaftafellssýslu. Rúmlega 2.000 konur tóku þátt í Garðabæ og um 500 konur á landsbyggðinni. 

Upp­haf­lega var markmið hlaups­ins að fá fleiri konur út að hreyfa sig og að hvetja konur til þátt­töku í starfi íþrótta­hreyf­ing­ar­innar á Íslandi. Þau markmið hafa um margt náðst þar sem konur hreyfa sig mun meira í dag en fyrir 30 árum, ís­lenskar íþrótta­konur eru að ná frá­bærum ár­angri á heimsvísu og margar konur í for­svari fyrir íþrótta­hreyf­ing­una hér­lendis. Í dag er áherslan ekki hvað síst á sam­stöðu kvenna, að hver njóti þess að hreyfa sig á sínum for­sendum og eigi ánægju­lega sam­veru­stund með fjöl­skyldu og vinum.
Hlaupið er ár­viss viðburður hjá mörgum konum sem taka dag­inn frá til að hlaupa með dætrum, mæðrum, ömmum, systrum, frænkum og vin­konum sínum og margir karl­menn slást líka í hóp­inn.

Hlaupið um allt land og allan heim
Sjóvá Kvenna­hlaup ÍSÍ er alla jafna haldið á yfir 80 stöðum á land­inu. Fjöl­menn­asta hlaupið er haldið í Garðabæ og einnig fer stórt hlaup fram í Mos­fellsbæ. Á lands­byggðinni fara einnig fram fjöl­menn hlaup sem skipu­lögð eru af öfl­ugum konum í hverju bæj­ar­fé­lagi fyrir sig. Íslenskar konur sem eru bú­settar er­lendis hafa einnig tekið sig til og haldið Kvenn­hlaup víða um heim, í Dan­mörku, Nor­egi, Svíþjóð, Fær­eyjum, Þýskalandi, Belgíu, Lúx­em­borg, Mall­orca, Banda­ríkj­unum, Mósam­bík og Namibíu.

Allar á sínum for­sendum
Konur á öllum aldri taka þátt í Kvenna­hlaup­inu, allt frá litlum stelpum í kerrum til langamma þeirra. Hver kona tekur þátt á sínum for­sendum og allir eiga að geta fundið vega­lengd við sitt hæfi. Það er því engin tíma­taka í hlaup­inu heldur lögð áhersla á að hver komi í mark á sínum hraða, með bros á vör.

Sjóvá hefur verið aðalsamstarfsaðili hlaupsins frá árinu 1993.
 

Myndir frá Sjóvá Kvennahlaupi ÍSÍ má sjá á myndasíðu ÍSÍ hér. 

Kvennahlaupsbolurinn 2021 er annar í röðinni síðan klassíska hönnunin var lögð á hilluna. Þótt gamli bolurinn hafi notið vinsælda var hann barn síns tíma. Nýju bolirnir eru hannaðir sem flíkur sem bæði henta við líkamsrækt en einnig við dagleg störf, framleiddir á ábyrgan hátt með velferð umhverfisins að leiðarljósi.
Eitt af aðalsmerkjum gamla Kvennahlaupsbolsins var nýr litur ár hvert og einmitt þess vegna ríkti eftirvænting þegar bolurinn var kynntur. Hönnun bolsins í ár tekur mið af þessari skemmtilegu venju því enda þótt bolurinn sjálfur sé hvítur tekur hann með sér mjög afgerandi og fallegan lit sem einkennir hlaupið í ár. Bolurinn undstrikar mikilvægi þess að gera hlutina SAMAN með einkennisorð hlaupsins í öndvegi.

HLAUPUM SAMAN í fallegum og umhverfisvænum Kvennahlaupsbol.

Við vekjum athygli á því að hægt verður að kaupa miða í Kvennahlaupið án þess að kaupa bol. Þá er t.d tilvalið að nýta gamlan Kvennahlaupsbol til að hlaupa í aftur.