Beint á efnisyfirlit síðunnar

Á döfinni

28

Friðjón B. Friðjónsson, Heiðursfélagi ÍSÍ, látinn

12.07.2019

Friðjón B. Friðjónsson, Heiðursfélagi ÍSÍ, lést á Líknardeild Landspítalans 10. júlí síðastliðinn, á 83. aldursári.

Friðjón sat í stjórn Íþrótta- og Ólympíusambands Íslands frá 1986 til 2004, sem gjaldkeri sambandsins, en hann vann einnig mikið sjálfboðaliðastarf í stjórnum Knattspyrnufélagsins Vals og Knattspyrnusambands Íslands sem og fjölda annarra ábyrgðarstarfa í þágu íþrótta.

Friðjón hlaut Gullmerki ÍSÍ árið 1982, Heiðurskross ÍSÍ árið 1996 og var svo kjörinn Heiðursfélagi ÍSÍ á 67. Íþróttaþingi ÍSÍ árið 2004. 

Stjórn og starfsfólk ÍSÍ minnist Friðjóns með mikilli hlýju. Hann vann ómetanlegt starf fyrir ÍSÍ og íþróttahreyfinguna á sinn ljúfa og hæverska máta sem einkenndi allt hans starf og viðmót.

ÍSÍ sendir eftirlifandi eiginkonu hans, fjölskyldu og aðstandendum innilegar samúðarkveðjur.

Blessuð sé minning Friðjóns B. Friðjónssonar.