Íþrótta- og Ólympíusamband Íslands og Henson skrifuðu á dögunum undir samning vegna kaupa á bolum fyrir Sjóvá Kvennahlaup ÍSÍ 2019. Líney Rut Halldórsdóttir, framkvæmdastjóri ÍSÍ, og Halldór Einarsson, framkvæmdastjóri Henson, undirrituðu samninginn. Árið 2019 fagnar Sjóvá Kvennahlaup ÍSÍ 30 ára afmæli en fyrsta Kvennahlaupið var haldið í Garðabæ þann 30. júní 1990 í tengslum við Íþróttahátíð ÍSÍ. Sjóvá Kvennahlaup ÍSÍ er löngu orðinn ómissandi viðburður hjá konum á öllum aldri um allt land.