Beint á efnisyfirlit síðunnar

Á döfinni

09.02.2018 - 25.02.2018

PyeongChang 2018

Vetrarólympíuleikarnir árið 2018 fara fram...
10.02.2018 - 10.02.2018

Ársþing KSÍ

Ársþing Knattspyrnusambands Íslands verður...
10.03.2018 - 10.03.2018

Ársþing HSK 2018

Ársþing Héraðssambandsins Skarphéðins verður...
16

Skúli Óskarsson kraftlyfingarmaður í Heiðurshöll ÍSÍ

28.12.2017

Í kvöld, þann 28. desember, á hófi Íþróttamanns ársins, var Skúli Óskarsson kraft­lyft­ingamaður frá Fá­skrúðsfirði og fyrr­ver­andi heims­met­hafi, útnefndur í Heiðurshöll ÍSÍ. Skúli er sautjándi einstaklingurinn sem ÍSÍ útnefnir í höllina.

Skúla þarf vart að kynna fyrir landi og þjóð. Hann setti heims­met í rétt­stöðulyftu í Laug­ar­dals­höll­inni árið 1980 þegar hann lyfti 315,5 kíló­um í 75 kg flokki. Það ár var hann kjör­inn Íþróttamaður árs­ins af Sam­tök­um íþróttaf­rétta­manna í annað skipti. Skúli, sem var um ára­bil einn vin­sæl­asti íþróttamaður þjóðar­inn­ar, var áður kjör­inn árið 1978.

Skúli tók við viðurkenningunni og hélt stutt þakkarávarp. Íþrótta- og Ólympíusamband Íslands óskar Skúla innilega til hamingju með útnefninguna.

Heiðurshöll ÍSÍ er óáþreifanleg höll afreksíþróttafólks og afreksþjálfara Íslands, í ætt við Hall of Fame á erlendri grundu. Framkvæmdastjórn ÍSÍ útnefnir einstaklinga í Heiðurshöll ÍSÍ eftir reglugerð þar að lútandi og er Heiðursráð ÍSÍ ráðgefandi aðili varðandi tilnefningar. Með þessu verkefni vill ÍSÍ skapa vettvang til að setja á frekari stall okkar framúrskarandi fólk og skapa minningar í máli og myndum af þeirra helstu afrekum.

Meðfylgjandi myndir voru teknar á hófinu.

Hér má sjá vefsíðu Skúla í Heiðurshöll ÍSÍ.

 

Myndir með frétt