Beint á efnisyfirlit síðunnar

Á döfinni

28

Forseti Svissnesku Ólympíunefndarinnar í heimsókn

09.09.2017

Jürg Stahl, forseti Svissnesku Ólympíunefndarinnar, sem einnig gegnir embætti forseta neðri deildar svissneska þingsins, fundaði með Lárusi L. Blöndal forseta ÍSÍ og Líneyju Rut Halldórsdóttur framkvæmdastjóra ÍSÍ í höfuðstöðvum ÍSÍ í Laugardal 6. september sl. 

Að ósk Jürg var farið yfir uppbyggingu og skipulag íþróttahreyfingarinnar á Íslandi en hann er mjög áhugasamur um íþróttir á Íslandi og þeim árangri sem Ísland hefur náð í íþróttum undanfarin ár. Jürg viðraði hugmyndir að mögulegu samstarfi á milli ÍSÍ og Svissnesku Ólympíunefndarinnar og er fyrirhugað að forsetar samtakanna ræði það nánar síðar á árinu.