Beint á efnisyfirlit síðunnar

15.02.2017

65 nemendur í vorfjarnámi

Vorfjarnám 1. og 2. stigs almenns hluta þjálfaramenntunar ÍSÍ er nú komið í fullan gang. Samtals um 65 nemendur eru í náminu að þessu sinni sem er ansi nálægt því að vera metþátttaka. Nemendur koma frá fjölmörgum greinum íþrótta s.s. handknattleik, körfuknattleik, knattspyrnu, fimleikum, skíðaíþróttum, skautaíþróttum, taekwondo, blaki, borðtennis, lyftingum, karate og hjólreiðum svo eitthvað sé nefnt.
Nánar ...
14.02.2017

Öðrum keppnisdegi lokið í Erzurum

Öðrum keppnisdegi Vetrarólympíuhátíðar Evrópuæskunnar sem nú fer fram í Erzurum í Tyrklandi er nú lokið. Í dag áttum við fulltrúa í skíðagöngu og stórsvigi.
Nánar ...
14.02.2017

Fararstjórnin í Erzurum

Nú stendur yfir Vetrarólympíuhátíð Evrópuæskunnar sem fer fram í Erzurum í Tyrklandi. Það eru ekki einungis keppendur sem hafa staðið í ströngu þessa dagana heldur er einnig öflugt teymi þeim til aðstoðar.
Nánar ...
14.02.2017

Tókýó 2020 - Verðlaunapeningar úr gömlum símum

Næstu Ólympíuleikar munu fara fram í Tókýó í Japan árið 2020. Skipuleggjendur leikanna leggja mikið upp úr umhverfisvitund og sjálfbærni og vilja hvetja Japani til þess að gera slíkt hið sama. Skipuleggjendur hafa nú brugðið á það ráð að koma af stað söfnun, sem hefst í apríl nk., þar sem almenningur í Japan er beðinn um að gefa gamla farsíma og önnur lítil tæki í söfnunarkassa víðsvegar um Japan. Stefnt er að því að safna átta tonnum af málmi til þess að búa til tvö tonn af gulli, silfri og bronsi. Úr þessum tveimur tonnum verða síðan verðlaunapeningarnir sem afhentir verða verðlaunahöfum á Ólympíuleikunum í Tókýó búnir til.
Nánar ...
14.02.2017

Lífshlaupið - Grunn- og framhaldsskólakeppni lokið

Lífshlaupið var sett 1. febrúar í ár. Í dag, 14. febrúar, er síðasti dagurinn í grunn- og framhaldsskólakeppni Lífshlaupsins. Nú er því tíminn fyrir börn og unglinga til að taka góðan endasprett í átt að lokamarkinu og klára keppnina með stæl.
Nánar ...
13.02.2017

Fyrsta keppnisdegi EYOWF lokið

Í dag hófst keppni á Vetrarólympíuhátíð Evrópuæskunnar sem fram fer í Erzurum. Stúlkurnar María Finnbogadóttir, Harpa María Friðgeirsdóttir, Katla Björg Dagbjartsdóttir og Sigríður Dröfn Auðunsdóttir kepptu í stórsvigi og stóðu sig með sóma. María varð í 19. sæti og með þriðja besta tímann í sínum árgangi. Harpa María varð í 32. sæti, Katla Björg varð í 33. sæti og Sigríður varð í 39. sæti. Í stuttu prógrammi á listskautum keppti Herdís Birna Hjaltalín. Hún varð í 19. sæti.
Nánar ...
13.02.2017

Námskeið ungra þátttakenda í Ólympíu

Íþrótta- og Ólympíusamband Íslands auglýsir eftir tveimur þátttakendum, kven- og karlkyns, á námskeið ungs íþróttafólks (20 til 35 ára) á vegum alþjóða Ólympíuakademíunnar í Ólympíu í Grikklandi dagana 16. júní-1.júlí n.k. Að þessu sinni er aðal umfjöllunarefnið íþróttastjórnun og ólympíuhreyfingin, en auk þess verður lögð áhersla á siðfræði og menntun.
Nánar ...
13.02.2017

Sýnt beint frá Erzurum

Sýnt er beint frá Vetrarólympíuhátíð Evrópuæskunnar sem fram fer í Erzurum frá 12. - 17. febrúar á vefsíðu hátíðarinnar
Nánar ...
13.02.2017

Forseti ÍSÍ í heimsókn

Lárus L. Blöndal, forseti ÍSÍ, heimsótti um helgina Ólympíuþorpið í Erzurum, þar sem íslensku þátttakendurnir á Vetrarólympíuhátíð Evrópuæskunnar dvelja. Hann skoðaði vistarverur hópsins og skrifstofuaðstöðu og heilsaði upp á íslensku þátttakendurna. Lárus var viðstaddur setningarhátíðina í gærkvöldi og mun í dag fylgjast með keppni hjá íslenska hópnum.
Nánar ...
13.02.2017

Geir sæmdur Gullmerki ÍSÍ

Á 71. ársþingi KSÍ, sem haldið var um helgina í Vestmannaeyjum, var Geir Þorsteinsson sæmdur Gullmerki ÍSÍ fyrir hans góðu störf í þágu íþróttahreyfingarinnar og þá ekki síst knattspyrnuhreyfingarinnar. Það var Helga Steinunn Guðmundsdóttir, varaforseti ÍSÍ, sem sæmdi Geir merkinu.
Nánar ...
13.02.2017

71. ársþing KSÍ

71. ársþing Knattspyrnusambands Íslands var haldið um helgina í Höllinni í Vestmannaeyjum. Geir Þorsteinsson sem verið hefur formaður KSÍ síðustu 10 árin gaf ekki kost á sér til endurkjörs. Þeir Guðni Bergsson og Björn Einarsson buðu sig fram til embættisins. Guðni hafði betur og var kjörinn formaður KSÍ til næstu tveggja ára.
Nánar ...

    Á döfinni

    06.04.2017 - 06.04.2017

    Ársþing ÍA 2017

    Ársþing Íþróttabandalags Akraness verður...
    27