Beint á efnisyfirlit síðunnar

Á döfinni

09.02.2018 - 25.02.2018

PyeongChang 2018

Vetrarólympíuleikarnir árið 2018 fara fram...
10.02.2018 - 10.02.2018

Ársþing KSÍ

Ársþing Knattspyrnusambands Íslands verður...
10.03.2018 - 10.03.2018

Ársþing HSK 2018

Ársþing Héraðssambandsins Skarphéðins verður...
16

Smáþjóðaleikar - GSSE

12.05.2016

Undirbúningur vegna Smáþjóðaleika 2017

Eftir rúmlega eitt ár fara 17. Smáþjóðaleikar Evrópu fram í San Marínó. Hefst þá þriðja umferð leikanna, en þeir fyrstu fóru fram í San Marínó árið 1985 og hafa þeir verið haldnir á tveggja ára fresti síðan. Ísland var gestgjafi leikanna 1997 og 2015 en þau átta lönd sem stofnuðu til leikanna hafa skipt því hlutverki á milli sín frá upphafi. Níunda þjóðin, Svartfjallaland, bættist í hópinn fyrir nokkrum árum og verða þeir gestgjafar í fyrsta skipti árið 2019
Nánar ...
09.05.2016

Aðalfundur Smáþjóðaleikanna (GSSE)

​Um helgina fór fram aðalfundur Smáþjóðaleikanna (GSSE) auk fundar tækninefndar leikanna. Hefð er fyrir því að halda slíka fundi rúmu ári fyrir leika í því landi sem verður í gestgjafahlutverki ári síðar. Lárus L. Blöndal, forseti ÍSÍ og Líney Rut Halldórsdóttir, framkvæmdastjóri ÍSÍ sóttu fundinn auk Guðmundar Þ. Harðarsonar fulltrúa Íslands í tækninefnd GSSE.
Nánar ...
31.05.2015

Líf og fjör í Sjálandsskóla

Síðustu dagar hafa verið viðburðarríkir í undirbúningi fyrir Smáþjóðaleikana sem fram fara 1.-6. júní næstkomandi, ekki bara á keppnissvæðum og í Laugardal heldur hafa verið spennandi verkefni tengd leikunum víða annars staðar.
Nánar ...
18.05.2015

Íslenskir þátttakendur hittast

Á föstudaginn s.l. var fyrsti fundur íslenskra þátttakenda á Smáþjóðaleikunum. Leikarnir verða settir þann 1. júní og standa yfir til loka dags 6. júní n.k.
Nánar ...
01.05.2015

Einn mánuður til Smáþjóðaleika

Í dag er einn mánuður þar til Smáþjóðaleikarnir verða settir á Íslandi. Leikarnir munu fara fram dagana 1. til 6. júní 2015 í Reykjavík og nágrenni. Að því tilefni er síðasta kynningarmynd Smáþjóðaleikanna 2015 birt, til viðbótar við þær ellefu myndir sem nú þegar hafa verið birtar úr myndaröðinni „Náttúrulegur kraftur“.
Nánar ...
30.04.2015

Blossi heimsótti Vesturbæjarskóla

Í dag heimsótti lukkudýr Smáþjóðaleikanna 2015, Blossi, Vesturbæjarskóla, ásamt föruneyti frá ÍSÍ, en 6. bekkur í Vesturbæjarskóla var með sigurnafnið Blossi í nafnasamkeppni um nafn á lukkudýri Smáþjóðaleikanna 2015 sem ÍSÍ efndi til í janúar.
Nánar ...
30.04.2015

Frímerki Smáþjóðaleika 2015

Í dag var nýtt frímerki gefið út hjá Íslandspósti. Á frímerkinu eru þær íþróttagreinar sem keppt verður í á Smáþjóðaleikunum 1. - 6. júní 2015. Aðeins í dag er hægt að kaupa sér fyrstadagsumslag.
Nánar ...
27.04.2015

Frímerki Smáþjóðaleikanna 2015

Þann 30. apríl nk. verður nýtt frímerki gefið út hjá Íslandspósti, með myndum af þeim íþróttagreinum sem keppt verður í á Smáþjóðaleikunum 2015. Frímerkið er gefið út af því tilefni að Smáþjóðaleikarnir eru haldnir á Íslandi í ár. Hönnuður frímerkisins er Elsa Nielsen grafískur hönnuður og hluti af hönnunarteymi Smáþjóðaleikanna 2015.
Nánar ...
24.04.2015

Blossa boðið í heimsókn á Hvolsvöll

Blossa var boðið að heimsækja Vorhátíð Hvolsskóla miðvikudaginn 22. apríl. Heimsóknin tengdist því að nemendur við skólann höfðu verið að vinna þemavinnu í tengslum við Smáþjóðaleikanna í vikunni.
Nánar ...

Hugmyndina um íþróttakeppni smáþjóða Evrópu má rekja aftur til ársins 1981. Það var útbreidd skoðun að íþróttakeppni þar sem smáþjóðir öttu kappi saman gæti orðið til þess að efla anda og hugsjón ólympíuhreyfingarinnar og treysta jafnframt vináttubönd þjóðanna.

Til leikanna var stofnað að frumkvæði forseta Alþjóðaólympíunefndarinnar, J.A. Samaranch. 

Þátttökurétt eiga þjóðir með íbúatölu undir einni milljón. Þessar þjóðir eru: Andorra, Ísland, Kýpur, Liechtenstein, Lúxemborg, Malta, Mónakó og San Marínó. Að beiðni forseta IOC var Albaníu upphaflega boðið að vera með á leikunum þrátt fyrir að íbúatala hennar væri yfir einni milljón. Hún þáði ekki boðið, en hinar þjóðirnar hafa verið með allt frá byrjun. 

Smáþjóðaleikarnir fara fram á tveggja ára fresti í einu af löndunum átta. Þeir voru fyrst haldnir í San Marínó árið 1985, en síðan hafa þeir verið haldnir í Mónakó (1987), Kýpur (1989), Andorra (1991), Möltu (1993), Lúxemborg (1995), Íslandi (1997), Liechtenstein (1999), San Marínó (2001), Möltu (2003), Andorra (2005), Mónakó (2007), Kýpur (2009), Liechtenstein (2011), Lúxemborg (2013), Íslandi (2015) og þeir 17. verða haldnir í San Marínó árið 2017.

Á leikunum í Liechtenstein árið 2011 tók Svartfjallaland þátt í fyrsta sinn og eru því þátttökuþjóðir orðnar níu talsins. Á sömu leikum var ákveðið að hefja þriðju umferð leikanna árið 2017.
 
Þrátt fyrir að ekki væri gert ráð fyrir að leikarnir yrðu mjög umfangsmiklir hefur raunin orðið önnur og hefur þátttakendum farið stöðugt fjölgandi. Er nú svo komið að þátttakendur með fylgdarliði eru um 1000 manns. Íslenskum þátttakendum hefur fjölgað jafnt og þétt. Á leikunum í Lúxemborg árið 1995 voru þeir 180, en á fyrstu leikunum voru þeir aðeins 25 alls.
 
Í fyrstu var ákveðið að Smáþjóðaleikarnir yrðu fjórða hvert ár en eftir San Marínó leikana var samþykkt að þeir skyldu haldnir annað hvert ár. Eftir að leikarnir hafa vaxið svo að umfangi sem raun ber vitni, hefur það aftur komið til álita að halda þá fjórða hvert ár eins og Ólympíuleikana. Enda hétu þeir upphaflega Ólympíumót smáþjóða eins og fram kemur í fyrstu drögum að reglugerð.
 
Sæti formanns framkvæmdastjórnar til tveggja ára í senn skipar formaður Ólympíunefndar þeirrar þjóðar sem næst heldur Smáþjóðaleika. Sérstök tækninefnd er einnig starfandi.